Наурыз мейрамы- ежелгі заманнан қалыптасқан жыл бастау мейрамы.
Күн мен түннің теңеліп, жан-дүниені тірілткен, шаруаның бір малы екеу болып, арқа-басы кеңіп, аққа аузы тиген, қытымыр қыстың ызғарынан құтылып, алдағы шуақты күндерден үміттендірген Наурыз мерекесі Тәуелсіз еліміздің зор ықыласпен тойланатын нағыз халықтық сипаттағы салтанатына айналған мереке. Осы мерекеге орай жергілікті жұртшылыққа Ұлытау облысының мәдениет,тілдерді дамыту және архив ісі
басқармасының «Облыстық мәдени-сауық және шығармашылық
ғылыми-әдістемелік орталығы» КМҚК ұйымдастыруымен 22 наурыз – Наурыз мейрамы күніне орай бұхаралық іс-шара өткізілді. Наурыз мейрамын Көш керуені шеруі бастап жүріп өтті. Көш керуен шеруіне мәдениет және өнер мекемелерінің, білім саласының қызметкерлері қатысты. Ары қарай мейрам ұлттық сайыстармен жалғасты.
«Үздік киіз үй» сайысы ұлттық құндылықтарымызды дәріптеу, келешек ұрпаққа насихаттау мақсатында ұйымдастырылды.
«Үздік ұлттық киім» сайысы қазақ халқының ұлттық киімдерінің ерекшеліктерін көрсету және насихаттау мақсатында ұйымдастырылды.
«Халық әнін орындаушылар» шеруі қазақтың ән өнерін насихаттап, халық әндерін халыққа танымал ету мақсатында ұймдастырылды.
Қазылар алқасының шешіміне сәйкес жеңімпаздарға заттай және ақшалай сыйлықтар табыс етілді.
Осы мерекелік іс-шарада қазақ эстрадасының танымал өкілдері, Роза Бағланова атындағы «Қазақконцерт» мемлекеттік концерттік ұйымының әншілері мәдениет қайраткері, мәдениет саласының үздігі, әнші-жыршы Ерболат Шалдыбеков және «Дарын» мемлекеттік жастар сыйлығының лауреаты, әнші Аяулым Қамажан өнерлерін дүйім жұртқа паш етті.