Ұлытау облысының мәдениет, тілдерді дамыту және архив ісі басқармасының «Облыстық мәдени – сауық және шығармашылық ғылыми – әдістемелік орталығы» КМҚК – ның ұйымдастыруымен Бүкілодақтық халық шығармашылығы фестивальдері мен республикалық ән байқаулардың бірнеше дүркін лауреаты, әнші Әбдіуахит Елібаевтың 70 жылдығына арналған
«Өнерді өміріне серік еткен» атты шығармашылық кеші өтті.
Кеш барысында Ә.Елібаевтің әндері орындалып, өнер жолы мен өмір жолы кеңінен баяндалды. Кеш тізгінін Қазақстаннын халық әртісі Серік ОСПАН ұстады. Кеште туған қызы, филармония әншісі Айзада Әбдіуахитқызы, Қайрат Әбеуов, Руслан Исмайлов және Перизат Несіпбаева өнер көрсетті.
Қазақстанның еңбек сіңірген мәдениет қызметкері, шертпе күйдің шебері, «Құрмет белгісі» орденінің иегері Мұхаметжан Тілеуханов бейне құттықтау жолдады.