2024 жылдың 6 желтоқсан күні Жезқазған қаласында Ұлытау облысының мәдениет қызметкерлеріне арналған «Мәдени-көпшілік іс-шаралар сценарийін жазудың әдіс-тәсілдері» тақырыбындағы облыстық семинар-практикум өткізілді. Іс-шара мәдениет қызметкерлеріне мәдени-көпшілік іс-шаралар сценарийін жазудың әдіс-тәсілдерін үйретуге, мәдениет қызметкерлерінің кәсіби деңгейін жетілдіруге, сценарий жазудағы озық тәжірибемен бөлісуге, мәдениет үйі қызметкерлерінің біліктілігін жоғарлатуға бағытталған.
Семинар-практикумның спикері — филология ғылымдарының кандидаты, ақын, Қазақстан Жазушылар одағының және Журналистер одағының мүшесі, «Мәдениет саласының үздігі» Ештанаев Ғазиз Елеусізбайұлы. Ештанаев Ғ.Е. Қазақстан Республикасының мемлекеттік мерекелеріне, ұлттық мейрам Республика күніне орай ұйымдастырылатын және өзге де мәдени-көпшілік іс-шаралардың сценарий жазудың ерекшеліктеріне тоқталып, әдіс-тәсілдерін үйретті. Осы тәрізді семинар-практикум мәдениет қызметкерлері үшін өте маңызды.