Ұлытау өңірінде Қазақстан Республикасының Конституциясының 30 жылдығы атап өтілді

2025 жылдың 30 тамыз күні Ұлытау өңірінде Қазақстан Республикасының Конституциясының 30 жылдық мерейтойына арналған салтанатты іс-шара өтті.
Мерекелік жиында ел дамуына үлес қосқан азаматтар мемлекеттік және ведомстволық марапаттарға ие болды. Атап айтқанда:
• «Құрмет» ордені;
• «Ерен еңбегі үшін» медалі;
• «ҚР Конституциясына – 30 жыл» мерекелік медалі;
• Министрлік пен облыс әкімінің Құрмет грамоталары мен Алғысхаттары.
Марапаттарды өңір әкімі Дастан Рыспеков салтанатты түрде табыстап, барлық қатысушыларды мерекемен құттықтады.
Мерекелік кеш барысында еліміздің танымал өнерпаздары Алтынай Жорабаева, Серік Ибрагимов, Ибрагим Ескендір, Мұхамедали Өтенов, сондай-ақ жергілікті таланттар өнер көрсетті. Кеш Жансерік Бейсеев пен Ирина Теннің жүргізуімен өтті.
Бұл іс-шара Ата Заңымыздың – Тәуелсіздігіміздің тұғыры, бірлігіміздің негізі екенін дәріптеді және өңір тұрғындарына мерекелік көңіл-күй сыйлады.